Aizawl July 4, 2024 : Synod Hospital chuan April 2023 - March, 2024 chhunga Charity Fund leh thilpek dang atangin Rs 2,05,20,632 an dawng a, balance nen avaiin Rs 2,24,45,146 a a ni. Charity fund atangin damlo awm man pe thei lo mi 863 ba an rulsakna hi Rs 2,18,04,753 a ni.

Charity Fund te hi Kohhran, Pawl leh mi mal atangin : Rs 78,25,563 an dawng a, Hospital Sunday Thawhlawm : Rs 46,95,069 leh Synod grant (Rethei Pual) : Rs 80,00,000 an dawng a, a vai hian Rs 2,05,20,632 a ni a, Opening Balance : Rs 19,24,514 nen a vaia belh khawm hi Rs 2,24,45,146 an ni.

Synod Hospital -ah hian Damlo inenkawlna senso pek tur nei lo leh pe tla nghal thei lo eng emaw zat an awm reng a. Chung chu Charity Fund atangin tih dan ngaihtuah pui thin an ni a. Kum 2023-2024 chhunga rethei pual thawhlawm (charity fund) atangin damlo awm man pe thei lo mi 863 ba Rs 2,18,04,753 rulhsak an ni. Chung zinga 615 chu Presbyterian kohhran mi niin Rs 1,52,94,206 peksak a ni a; kohhran pawl dang leh mi chi hrang hrang mi 248 te tan Rs 65,10,547 peksak a ni bawk. Tichuan May 31, 2024 thlenga damlo mi 452 in awm man an la bat tlingkhawm zat chu Rs. 1,81,83,111 a ni.

Mizoram Presbyterian Kohhran chuan July 7, 2024 (Pathianni) chawhnu leh zan chu Health Sunday leh Hospital Sunday programme-in an hmang dawn a. Hemi Ni denchhenin Synod Hospital-in damlo mi rethei leh harsa, damdawi ina awm man pe thei lo leh pek tur nei lote tana Charity lo peksak \hin dan, kum li kaltaa mi chauh han tar lang ila:

Kum 2020 - 2021-ah mi 409 – Rs 88,15,755

Kum 2021 - 2022-ah mi 597 – Rs 1,19,79,116

Kum 2022 - 2023-ah mi 508 – Rs 1,07,03,670

Kum 2023-2024-ah mi 863 – Rs 2,18,04,753

Belh khawm mi 2377 – Rs 5,33,03,294

Kohhran mi leh pawl dang peksak zat:

2020 - 2021 259 – Rs 58,78,044 (66.67%) 150 – Rs 29,37,711 (33.33%)

2021 - 2022 403 – Rs 84,29,350 (70.36%) 194 – Rs 35,49,811 (29.64%)

2022 - 2023 360 – Rs 73,55,737 (68.72%) 148 – Rs 33,47,933 (31.28%)

2023-2024 615 – Rs 1,52,94,206(70.14%) 248 – Rs 65,10,547 (29.85%)

Belh khawm 1637 –Rs 3,69,57,292 (69.33%) 740– Rs 1,63,46,002 (30.66%)