Aizawl: Sawrkar hnathawk damlo inenkawlna senso Mizoram sawrkar in a bat zat chu Rs. 81,759,183 a ni. MNF member Lalruatkima zawhna chhangtu Finance Minister Lalsawta'n Assembly a hrilh danin Mizoram chhung leh pawna damdawi in hrang hrangah Department 71 zinga Department 30 chuan damlo inenkawlna senso hi an ba a, leiba nei lo Department 41 an awm bawk. Leiba nei zingah PWD chuan ba tam berin damdawi in 24-ah Rs. 1,34,11,443 a ba a. Health & Family Welfare Department pawhin damdawi in 37-ah leiba Rs. 1,24,78,000 a nei a. AH & Vety Department chuan damdawi in 35-ah leiba Rs. 93,09,650 a nei bawk. Hetih lai hian leiba nei tlem ber Trade & Commerece Department chuan damdawi in 3-ah ba Rs. 76,460 a nei thung a ni.