Aizawl: UPC NEI, Bawngkawn kohhrana rawngbawlna nei mek Evan Lalsawivela chu pantu an tam thei hle a, a rawngbawlna hmangin mi tam takin damna an chang a, Zirtawpni pawh khan pian hlim atanga bengchhet bakah tawngtheilo bawk naupang 4 ten tihdamna an chang a. An zinga 3 te hi pianphunga rualbanlo enkawlna Gelead School a kal lai mek an ni. Heng mite bakah hian Nilaini khan bathroom a tluk vanga spinal code sawhchhia, thla hnih lai khuma mu tawh Lalinthangi, Serchhip Dinthar veng pawhin tihdamna a chang bawk a ni. Evan Dr Lalsawivela hian August ni 22,2017 atang khan Bawngkawn UPC Biak In, Brigade Field road ah hian rawngbawlna a nei tawh a, hriattheih chinah damlo 308 a khawih zinga 260 (84.41%) in an dam thu an puang tawh nia thudawn a ni. A rawngbawlna hi tunkar chho hian chhunzawm leh tum a ni.