Damna kim chang turin rawngbawltu ropui Faktea a liam ta
![](/storage/news/post/3kVTcvUYK2KRamhioCTuYoiWztJJZ2kvm5Hoy9H1.jpg)
September 28, 2022; Thlarau Thianghlim hriak thihna (Anointing), a hunlai a 'Khawihthluk theihna' tia mi nawlpui ten kan sawi thin leh tihdam rawngbawlna kalpui thin tu, Zofate kan awm chhung a a hming dai tawh lo tur, Pathian rawngbawltu ropui Dr. H. Lalfakawma (Faktea) kum 52 s/o Rev. Tlanglawma (L) chuan tukin zing dar 4:20 khan damna famkim chang tura a lei thuam dahin, thawhlehna ropui chang a a rawng a bawl Isua hnen a chawl hlen tawh turin mual a liam ta.
Dr. H. Lalfakawma hi 1.12.1970 ah Rev. Tlanglawma (L) leh Thansiami (L) te fa pali zinga a pathumna ni turin a lo piang a, an unau 4, mipa 2 leh hmeichhia 2 an ni.
Kum 1998 May ni 7 ah ah Lalrindiki d/o Lalramzauvi nen inneiin fa mipa pakhat leh hmeichhia pahnih an nei. Kum 1995 September ni 30 zing dar 9:30 velah Pathian khawngaihna changin a piangthar a, hemi atang hina rawngbawl tura Pathianin a kohna chu chhangin, a thihni thlengin chu hna chu a thawk a ni.
A rawngbawlna:
Herald For Christ chu kun 1995 ah din tanin, kum 1997 ah H. Zothankhuma huan ah bul a tan aa, kum 1998 ah camping centre anga kalpui tan a ni.
2001 ah Aizawl Ramthar Presbyterian Kohhranah Thlarau Thianghlim crusade bul tan niin, heta tang hian Zoram chhung leh pawn kohhran hmun hrang hrangah crusade leh camping neiin a kalchhuak thin.
Kum 2004 ah Lungleng-I khawtlangin ram an pek angin, hemi kum vek hian kut thlak tan niin, 2005 kum ah an luah lut a, naupang leh ruihhlo ngai an enkawl thin.
Kum 2012 atangin tuna anmahni chenna, Durtlang Leitan Ramtharah camping tan leh in, a boral ni thlengin chawlloin rawngbawlna a kalpui.
A nat dan:
Kum 2015 atangin Zunthlum a nei tih hriat tan niin, kum 2017 atangin damdawi te lak ngaiin a awm tan a. Damdawiin pan ngai khawpa natna nei em em lovin a awm a, September ni 9, 2022 zanah khawsik in tanin, a tuk zanah a khuh tlaivar a, September ni 11, 2022, Pathianni zan atangin a thawhah nasa zualin, a tuk September ni 13 ah Synod Hospital, Durtlang panpui a ni a, ICU ah dah luh nghal niin, Dialysis pawh tih nghal a ni.
ICU ah zan 4 a awm a, ziaawm chho deuhin, Cabin lamah sawn chhuaha ni a, ni 5 hnuah ICU bawk lut lehin, September ni 26, 2022 khan Civil Hospital, ICU ah sawn thlak a ni. Zual lam pan zelin, September ni 28, 2022, zing dar 4:22 ah a rawng a bawl thin a Lalpa hnenah a lo chawl ta a ni.
A rawngbawlna vanglai kum 2000 chho-ah amah kaltlangin Pathian tihdamna mi tam takin an chang a, LPS Vision kaltlang a LIVE a rawngbawlna a neih thin te chu mi tam tak tan malsawmna a tling thin. Mizoram a 'HARHNA" thlen chanchin sawi a piangin, Faktea rawngbawl vanglai kha sawilan zingah a tel reng tawh ang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024