ZALEN October 6, 2025: Election Commission of India chuan vawiin tlar dar 5:00 khan India ram state hrang hranga Inthlan leh bye-election neih hun tur a puang a, Dampa bial bye-Election neih hun atan November 11, 2025 ruat a ni.

Dampa Assembly Constituency bye-election hi Jharkhand, Punjab leh Telegana-a inthlanna neih tur ruala neih tur a ni a, Mizoram leh heng state pathum-a inthlan result hi November 14, 2025-a puan tura ruahman a ni.

October 13, 2025 hian Mizoram sawrkar chuan inthlan chungchanga hriattur pawimawh thuchhuah a siam ang a, October 21, 2025 thleng nomination file theih a ni a, a tuk October 22, 2025 hian endikna (Scrutiny) neih a ni ang. October 24, 2025 thleng inhnuhdawhna hun hawn a ni.