ZALEN October 26, 2023 : BJP Mizoram State President Vanlalhmuaka chuan Dampa bial chhungah Campaign nei mekin BJP State General Secretary Malsawmtluanga pawhin Hachhek bial a fang mek bawk a, heng bialah te hian tlin ngei an beisei tih BJP Mizoram thuchhuak chuan a tarlang.

Vanlalhmuaka BJP Mizoram State President chuan a bial chhung Dampa khaw hrang hrangah Campaign neiin, Dampa Bial-ah BJP in hmasawnna nei zelin, Dampa Bial mipui te zarah a tlin ngei a rin thu a sawi a ni.

Vanlalhmuaka chuan Dampa bial chhungah hmasawnna hrang hrang Sawrkar tawh ten an tih thuanawm tam tak te chu function thei a siam anih tur thu a sawi a, ITI, West Phaileng hmuna dah tawl chu pawi a tih thu sawiin, mipui ten an chhawr theih tur hnathawhna kawng kawhhmuhna tur pawh Sawrkar tawh ten an ti tawl thei chu mak a tih thu a sawi.

Dampa bial a inkalpawhna kawng tha lo te leh kawng zim lutuk te chu siam that a tih zauh anih tur thu te, Mipui eizawnna pawimawh Feh kawng thalo te pawh siam that anih tur thu te, Zirna in tih hmasawn a, Health Facility changtlung zawk Dampa Bial ten Aizawl pan ngai lova kawng tamtak a an chhawr theih tur siam anih tur thu te a sawi bawk.

Hachhek Bial BJP Official Candidate Malsawmtluanga, BJP State General Secretary pawhin a bial khaw hrang hrang tlawhin, Mizoram thar Khuhva a kan buaina chu BJP MLA Hachhek Bial in a nei anih ngat chuan chinfel ani dawn a, chu chuan nasa takin Mizoram Sum dinhmun a ti tha dawn a, chuvangin Hachhek Bial mipui te hi kan pawimawh hle a ni a ti.

Malsawmtluanga chuan Central Scheme hrang hrangte BJP sawrkar na state lo ah chuan a nihna anga hman theih a ni lo a, PM Scheme - Housing for all, Jal Jivan Mission, Free Gas Connection, te bakah Mizoram in a la hmuh ngai loh PM Scheme kaltlanga hamthatna a hmu thei dawn a ni. Heng bakah hian Tribal affairs atangin Eklavya School te leh Damdawiin tha te chu Central hruaitu te nen uluk takin a rel ho tawh avangin heng zawng zawng hi Hachhek Bial mipui ten hmaah a awm ai tih hria a BJP Official Candidate a nih anga Vote theuh turin a ngen bawk a ni.

BJP Official Candidate hrang hrang te hi Jobn Barla Union Minister of State for Minority Affairs changtute, Kiren Rijiju Uinion Minister Of Earth Science changtu te, Y Patton Nagaland Deputy CM, Mizoram Election Co-Incharge te chuan Campaign an nei mek a, October 28, 2023 hian BJP National President JP Nadda pawh BJP Official Candidate te pui tur leh 2023 BJP Election Manifesto tlangzarh turin a rawn thleng dawn bawk a ni.