ZALEN September 29, 2025: BJP Mizoram chuan vawiin hian BJP Mizoram State Office, Mipui Rûn, Upper Republic-ah Karthar Inhlanna leh Political Session hun neih niin, Palak bialtu MLA K. Hrahmo chuan thusawina hun a nei a, Dampa bial mipui ten central rulling lam hawina chang an hriat chuan BJP tan tlinna chance tha tak a awm a ti.

K. Hrahmo, MLA chuan Dampa Bial chungchang sawiin, "Pu Lalrintluanga Sailo thlan tlin a lo nih tawhna chhan chu; 1-na ah Candidate a fel vang, 2-na ah SEDP mipuiin an beisei vang, 3-na ah MNF sawrkar leh an la beisei chhunzawm vangin Dampa bialah hian thlan tlin a ni. Tunah chuan Pu Lalrintluanga Sailo, Dampa bialtu MLA zahawm takin vankohna minlo chhan san tak avangin, By-Election neih a lo ngai ta a, a hmun ruak hnawh khah hi thil har tak tur a ni. Tunah chuan MNF hian Pu Lalrintluanga Sailo an nei ta lova, candidate hran hlak a nih tawh dawn mai bakah SEDP sem a ni tawh dawn lova, chu bakah MNF an tling dawn tawh lo tih mipuiin an hriat tawh avangin MNF-ah mipuiin beiseina an nei tawh lo a ni," a ti.

Hrahmo chuan, "Dampa mipui mai bakah Mizoram Mipuite hian milar thlan ringawt hi a fuh ber lo tih an hmu fiah tawh a, ruling ZPM tan pawh tlin inbeisei ngawt chi a ni tawh lova. Congress ho lah Mizoram ah an hniam telh telh mai bawk si a, Dampa bial mipuite hian Central ruling BJP candidate lam an hawi fur chuan BJP tan tlinna chance tha tak a ni," a ti a.

K Hrahmo chuan sawi chhunzawmin, "BJP Official Candidate Pu Lalhmingthanga chu thiamna lamah pawh sang tak nei a nih bakah, Japan ramah pawh Agriculture lam ah training a lo han zo tawh a, Dampa bial tan hian a duai lo hle a, Dampa bial hmangaihtu leh an hmasawnna duhtu a nih avangin Dampa Bial hian Central Rulling pawimawhna an hriat a rinawm a, tun hunah hian Dampa mipuite'n min thlang tling a nih chuan kum 3 ṭha zet BJP MLA enchhinna hun a awm dawn a, in lo thlang tling a nih a, BJP MLA a lo thalo a nih chuan 2028 ah MLA in thlak leh mai dawn nia," a ti bawk.