September 9, 2023; Nimin khan Dampa Bialtu MLA Lalrintlunga Sailo Inah DAMPA SAVAWM T- SHIRT tlangzarhna neih a ni.

Thuchhuah an siam a tarlan a nih danin, Dampa Bial hmingput chhan leh Dampa Tiger Reserve Forest huamchhunga khaw hrang hrangte Bialtu, MLA Lalrintlunga Sailo leh Serchhip Bialtu MLA Lalduhoma ten Budget Sessionah thu inchuh neiin, Lalduhoma hian Dampa Bialtu MLA Lalrintluanga Sailo hi DAMPA SAVAWM ti a koin House ah an inhnial nasa hle a.

Heta House chhung ngeia Member inkohna hi ngai haw duh lo in Lalrintluanga Sailo chuan, "Kan Legislator pui ngeiin, House Language pangngai pawh hmang duh lo a, hming min phuah hi ka thinur lo a, lawm takin ka pawm a ni tih lantirna turin he T-Shirt hi ka siam a ni, he T-Shirt hi bial mipui a duh apiang te hak turin vawiinah hian lawm takin kan tlangzarh a ni, " tiin T-Shirt siam chhan a sawi.

He hunah hian Dampa bial chhunga MNF hruaitute an tel.