DOWNLOAD OUR APP

Read latest news on your phone
app-store
Dampa Tiger Protection Force hlawh batsak pe nghal rawh se - MPYCC
Mar 14, 2023

Aizawl March 14, 2023: Dampa Tiger Protection Force ten thla ruk hlawh an la theih tawh loh chu MPYCC chuan pawi an tih thu leh an lainat thu thuchhuah an siamah an tarlang. Mizoram Sawrkarin hlawh a batsakte a rang thei ang bera pe turin an phut a, an tihlawhtling lo a nih chuan an thlavang hauha hmalak an tum.

Hlawh batsak an nihna chhan hi zirchianna atanga a lan danin Mizoram Finance Department lamin Dampa Tiger Reserve Field Director account lama pawisa an pek chhuah har vang leh EF&CC Department, Mizoram lamin 1st Instalment an hmanna leh an hman chhuahna (Utilisation Certificate) Central lama an thawnthlak har vang a ni, MPYCC chuan an ti. Mizoram Sawrkar-in sum a enkawl thiam loh vang leh an inthlahdah vanga Central atanga sum lokalte a hmanna tur dik tak ni lo thil danga hman pen leh pawh penin a hrin chhuah harsatna a ni, an ti bawk.

Congress Thalai chuan Dampa Tiger Protection Force ten an hlawh an lak theih loh avangin Dampa Tiger Forest Reserve chu tunlai hian tih chereu mek niin an ti. Duty an awm loh avangin a ruka sapel leh lui kal an pung thar hle nia sawi a ni leh zel a, sawrkar tha lo leh a ngaihna hre lo hnuaiah Mizoram rohlu Dampa Tiger Forest Reserve chan mek a ni chu lungchhiatthlak an ti. An enkawl zo ngang lo a nih chuan tlawmah la lova a ngaihna hria leh sum enkawl thiam Lalsawta leh a thawhpuite rawn hreh lo turin Finance Minister Zoramthanga leh EF&CC Minister Pu TJ Lalnuntluanga te chu MPYCC ten an chah.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh