Aizawl September 6, 2024 : Aam Admi Party chuan Ministry of Environment, Forest and Climate Change hnuaia Dampa Tiger Reserve enkawlna tur; Mizoram sawrkarin Financial years 2024-2025 atana cheng nuai 378.26 Central Ministry-a a dil, 1st Instalment atan June 10, 2024 khan cheng nuai 85.10850 Mizoram Sawrkar a pe a, amaherawhchu vawiin ni thleng hian Dampa Tiger Reserve-a thawkten March thla atangin hlawh an la lo, an ti.

"Kan ramngaw leh nungcha humhalhna hmunte hi sawrkarin central atanga an sum hmuhnan leh sum siamnan chauha hmang loin, Mizoram sawrkarin a ngaihsak tak tak hi kan duh a, hnathawktute hlawh pawh rang taka pe chhuak vat turin sawrkar kan ngen a ni," an ti.

AAP chuan, "Mizoram sawrkarin kum 2024-2025 atana Dampa Tiger enkawlna tur sum a kawl tawh chunga tun thlenga, hna thawktute hlawh thla 7 dawn a hrensak hi Mizoram sawrkarin a hnathawktute a ngaihsak loh zia a tihlannaah kan ngai a, Mizoram sawrkar chu insawimawi tum lova, Dampa Tiger Reserve a thawkte hlawh pe vat turin kan duh," an ti.