Dampa Tiger Reserve area-a rin luh vangin chhungkaw 456-in an chenna khua an chhuahsan tawhAizawl;  a. Hetihlai hian sakei chhiarpui neih thina a lan danin Dampa Tiger Reserve area-ah sakei a tlem tial tial a, tun dinhmunah pakhat a awm nia hriat a ni.

ZALEN-in RTI zawhna a siam, Environment, Forests & Climate Change (Field Director, Dampa Tiger Reserve)-a SPIO-in a chhan danin Dampa Tiger Reserve area a puan vanga an chenna khua chhuahsan chhungkaw 456 (Serhmun 238 leh Andermanik 227) an awm tawh.

Tiger reserve-a puan a nihin relocation package Rs. Nuai 10 pek theih chi hnih (2 options) a awm a, Option 1-ah chhungkaw tin hnenah Rs. Nuai 10 zela pein rehabilitation/relocation process-ah forest department a inhnamhnawih tawh lo.

Option 2-ah chhungkaw tinin Rs. Nuai 5 an dawng ang a, a bak Rs. Nuai 5 zel chu khaw thar din nan (community development) hman niin, rehabilitation/relocation process-ah forest department-in a pui thin.

Chutiang ang option hnuaiah chuan chhungkaw 227 (Andermanik-ah Option 2) Rs. Nuai 5 zelin leh chhungkaw 229 (Serhmun West-ah option 1) Rs. Nuai 10 zel in pek an ni.

Dampa Tiger Reserve area chhunga rin luh tawh tun thlenga an khua la chhuahsan lo an awm leh awm loh chungchang-ah SPIO chuan, Serhmun West ah chhungkaw 9 an khua chhuahsan lo an la awm tih tarlang bawkin, an sum (compensation) hmuh tur zat leh an ram hlutna in hen loa an ngaih vang a nih thu te, chhungkaw pem duh lo ten court-ah thubuai an thehluh avangin court thuthlukna ang zelin hmalak a nih tur thu a tarlang.

Dampa Tiger Reserve enkawlna atan National Tiger Conservation Authority (NTCA), Ministry of Environment, Forests & Climate Change, Government of India atangin hmuh thin a ni a, 2018-19 ah Rs. Nuai 354.25, 2019-20 Rs. Nuai 373.12, 2020-21 ah Rs. Nuai 179.48, 2021-22 ah Rs. Nuai 405.31 hmuh a ni a, chungte chu thawktu hlawh atan hman a ni. 2022-23 ah sum hmuh a la awm lo. Tun dinhmun ah thawktu 176 (regular staff 13, Provisional Employee 2 leh CSS hnuaiah 161) an awm mek tih SPIO chuan a tar lan bawk.

Dampa Tiger Reservce area

Dampa Tiger Reservce area-ah sakei a awm ngei.

Sakei chhiarpuiah kum 2006-ah sakei paruk a awm.

2010 chhiarpuiah sakei panga record.

2014 chhiarpuiah scat sampling hmangin sakei pathum an awm.

Tun dinhmunah pakhat a awm niin hria.

Hmuh hnuhnun ber camera trap record chu May, 2021-ah a ni.