Aizawl: Dampa Tiger Reserve-ah sakei 3 chu a awm ngei nia an hriat thu Environment, Forests and Climate Change department hotute chuan an sawi. Dampa Tiger Reserve-ah hian mithiam ten sakei ek hrang hrang te lain an zirchiang a, an zirchianna atanga an hmuh chhuah danin sakei hi 3 chu awm ngeiin an hria a ni. Tiger reserve huam chhunga sakei zirchianna hi tunlai hian mi thiamten an nei mek niin an sawi a. Tun hnaiah Thorang wildlife sanctuary-ah mi thenkhatten sakei a awm niin an sawi a, hei hi Dampa Tiger Reserve-a sakei nge a dang tih chu an hriat bik mai loh thu leh la zirchian a ngaih tur thu EF&CC thawktute chuan an sawi bawk. India leh Bangladesh ramri hung turin Dampa Tiger Reserve a khawih buai dawn avangin ramsate inkalpawhna tur ‘biological corridor’ siam rawtna chu ramri hung chalwhsan a nih avangin engmah hmalakna leh thuthar a la awm hrih lo niin EF&CC thawktute chuan Zalen an hrilh.