November 24, 2023; Aizawl Traffic Police chuan thuchhuah siamin, Helmet khum lo leh Driving License neilo School Uniform ha chunga Two Wheeler khalh te an hnen a report zel turin an ngen.

Thuchhuah an siam a an tarlan danin, naupang kum tlinglo lirthei khalh tirem turin Traffic Police-te chuan theihtawpin hma an la mek zel a, Aizawl khawpui veng hrang hrang; a bik takin veng hmawr leh a chuan hnuai lam deuha Traffic Police duty awm lohna hmunah te naupang kum tlinglo leh Driving License neilo School Uniform ha chunga Helmet khum lova Two Wheeler khalh an awm thin tih hriat a ni. 

Hei hian thil pawi lian zawk a thlen hmaa tihrem anih theih nan mipuite thlawpna an ngen a, dan bawhchhiate chu Aizawl Traffic Police Whatsapp No.9366553559 ah leh Land-line No. 0389-2313061 ah te an thlalak thawn emaw tawngkain emaw hriattir zel turin an ngen.