Lengpui Airport Taxi Stand hruaitute chuanLengpui Airport-ah phalna nei loa khualzin phurh ching motor an tam nia sawiin an ngaimawh tih an sawi bawk. Lengpui Airport Taxi Stand Leader chuan khualzin rawn phur \hin private motor te chu rental permit nei an ni vek lo tih Zalen hrilhin, “Tlemte chauhin  permit an nei a; Sorkar driver pu te zin tur rawn thlah te zingah passenger zawn ching an awm a, vantlang chunglam mi thenkhat pawh passenger zawng thin an awm a ni,” a ti bawk. Rental chu biak lawk sa booking system-a kal an ni a, khualzin an thlah emaw an hmuak anih chuan a pawilo a, chumi piah lama passenger an lak ve chu dan a ni lo niin a sawi bawk. Lengpui Airport Taxi Stand hian an headquarters Mizoram Taxi Association-ah leh Transport Department-ah te an harsatna an thlen tawh a, hmalakna a la awm mai rih lo niin an sawi a. Lengpui Airport Taxi Stand member te hian an theih ang angin hma an la thin a, duty te insiamin phalna nei loa passenger lak tum te chu an theih ang angin an dang \hin nia thudawn a ni. Taxi passenger chang duh an awm anih chuan Lengpui Airport ah hian prepaid taxi counter a awm a, Rs 30 chawiin an inziaklut thei a, passenger an hmuh loh chuan Rs 10 an la let leh thei niin Stand Leader chuan a sawi bawk. Hetih lai hian Transport Department chuan motor 15 aia tlem lo nei te permit  neihna tur ‘Rent A Cab Scheme’ hmangin hma a la a. Permit pek motor te chuan number plate a dum leh a eng inpawlh an hmang ang. Hmalak fel a nih hunah chuan taxi, tourist taxi leh ‘Rent A Cab Scheme’ hnuaia register te chauhin passenger an phur tawh dawn ni a thudawn a ni.