ZALEN October 24, 2025: Mizo Students' Union (MSU) chuan Mizoram chhunga Dan loa khaw din awm mek chu kumin chhung ngei a tihtawp a nih hneh nan hma la turin Mizoram sawrkar an ngen a, Dan lo a khaw dinga mipuite an chhuak lo a nih chuan an thiam dang in hma an lak tur thu an president chuan a sawi.

MSU President B. Lalkhawngaihzuala chuan Dan lo a rawn pem lut ten an duhna hmuna in bawk khmin kha an din leh ringawt chu tha an tih loh thu a sawi a, sawrkarin development (School, Power Supply, Health, Water Supply) a pe leh zel thin chu tha lo a tih thu a sawi. MSU chuan 2013 atang khan Dan lo a khaw din te tih tawp a nih theih nan hma an la tawh a, Tuichawngchhuah pawh tihtawp a lo ni tawh a ni a ti bawk.

April 9, 2025 khan RTI an dil tih MSU President chuan a sawi ahe chhanna atang hian tunah hian Dan lo a khaw din hi Mizoram-ah khaw 11 a awm thu tarlan a ni, a ti a, heng khuaah te sawrkar hmalakna a awm thin chu pawi an tih thu a sawi, Dan lo a khaw dinah hian development hrang hrang pek tawh te hi ti tawp vek turin sawrkar pawh an ngen tawh thu a sawi.

Heng khua a chengte pawh kumin chhung ngeia lo inthiar fihlim turin an chah a. Kumin chhunga sawrkar atanga hmalakna a awm lo emaw heng Dan lo a khaw dina cheng mipuite hi an chhuak lo a nih chuan MSU chuan an thiam dani hma an lak tur thu B. Lakhawngaihzuala chuan a sawi bawk.