ZALEN Dec. 8. 2025: Vawiin Ni 8.12.2025(Thawhtanni) hian Mizo Students’ Union (MSU) ten Mizoram chhunga Dan lo a khaw din (Unauthorised settlement) te a hmunah kalin an enfiah dawn.

RTI hmanga zawhna (Ni 09.04.2025) Local Administration Department (Directorate)-in an chhan danin tun dinhmunah Mizoram chhungah Dan lo a din khaw sawmpakhat (11) a awm mek a ni.

MSU chuan Mizoram chhunga Dan lo a khaw din awm mek te kumin chhung ngeia tihtawp a nih theih nan hma la turin Mizoram sawrkar a lo ngen tawh chu bawhzuiin Dan

lo a khaw dinah te hian sawrkar development (School, Power Supply, Health, Water Supply, etc) a awm em tih leh tute nge cheng tih enfiah a ni dawn a, Dan lo a khaw din endik tur hian MSU General Headquarters; Aizawl atanga chhuak te chu vawiin chhun dar 12 khan MSU General

Headquarters; Aizawl President B Lalkhawngaihzuala chuan a vai liam a, Regional Headquarters;

Lunglei hruaituten an lo tawiawm dawn bawk a ni.

#ZalenNews