April 11, 2023; Central YMA chuan hnamdang, Mizo hming hawha sumdawngte leh Mizo, sumdawnna atana an hming hnamdang hawh tirtute chu April ni 10, 2023 atanga chhiara ni 30 chhunga inchingfel ngei turin a hriattir.

Nimin chawhnu dar 3 khan Central YMA Hall ah, Aizawl khawpui chhunga Insakna bungrua (cement, Iron Rod, Brick etc.) zuartute kohkhawm an ni a, he hunah hian hnamdang, Mizo hming hawha sumdawngte chungchang leh, Mizo sumdawnna atana hnamdang an hming hawh tir thintute bakah, iron rod size tling lo zawrh chungchang sawiho a ni.

Central YMA chuan hetianga sumdawnna kalpui mek tute hi tihtawp a nih thuai theih nan chak taka hmalak tum a ni tih a hriattir a, hnamdang, Mizo hming hawha sumdawngte leh Mizo, sumdawnna atana an hming hnamdang hawh tirtute chu inchingfel ngei turin a hriattir a ni.