ZALEN Feb 17, 2026: 2026: Vawiin khan Serchhip DC Paul L Khuma hoin Serchhip District Consumer Association atanga complaint lut chungchang an sawiho.

He complaint, Consumer Association ten an thehluhah hian, thawktu thenkhatten consumer-te hnen atangin ekyc-a an inziahluh nana pawisa la thin an awm nia sawiin; hemi chungchanga hmalakpui turin DC an ngen a. MIZOFED Manager chu thil awm dan sawifiah tir niin, mi thenkhatin MIZOFED-a thawktute koin, an kal man tum sak te an lo awm niin a sawi a. Manager chuan a hriat veleh ti tawhlo tura a hriattir nghal thu a sawi.

Meeting chuan tun hnuah consumer in ekyc tih nan pawisa engmah an chawi tawh tur a ni lo a, hetiang thil a thleng leh a nih chuan IOC thuneituten MIZOFED lakah hremna an lek kawh tawh ang tiin an rel a ni.

#ZalenNews