Dan lova sumdawng cement leh iron rod dawr 85 chhinchhiah
![](/storage/news/post/IsCTOsc9HUTbHuRbQnVdaz0xgpBmon7hdoO5bt5a.jpg)
Aizawl April 16, 2023 : Central YMA President R. Lalngheta’n Aizawl chauh ni lo, Mizoram hmun hrang hrangah hnam dang dawr a tam chak tih sawiin, Mizo mipuite tanrual a ngai takzet tih a sawi a. Central YMA chuan insakna bungrua (cement leh iron rod etc.) zuar bikah ringawt Mizo hming hawha sumdawnna kalpui dawr 85 a chhinchhiah tawh a, inchin fel hun atan April 10, 2023 atanga chhiara ni 30 chhung hun a pe.
Central YMA president-in ZALEN a hrilh danin, inchin felna hun ni 30 chhung an pekin awmzia a nei turah an ngai a, an inching fel lo a nih chuan Central YMA-in hmalakna a kalpui nghal dawn a, lo tang deuhte an awm a nih chuan a hrechiang bertu, an awmna veng chhung mite nen tangrualin hmalak a ni ang a, a tul a nih chuan an bank transaction thleng pawha en a ni ang.
R. Lalngheta chuan tuna hma an lakna chu cement & iron rod etc. dawr bik chauh a la ni tih sawiin, an hriat theih chinah Mizo hming hawha sumdawng leh Mizo, sumdawnna atana hnam dang an hming hawhtir dawr 85 an chhinchhiah thu leh an hriat loh pawh awm tura an ngaih thu te, sumdawnna dangah pawh a tahtawla hmalakna an kalpui zel dawn niin a sawi.
“Aizawl mai bak hmun dangah pawh hnam dang dawr a tam chak hle a, hemi chungchangah hian Mizo mipuite kan tanrual a tul takzet a ni,” a ti bawk.
Central YMA chuan April 10, Thawhtanni chawhnu khan Central YMA Hall-ah insakna bungrua (cement, iron rod, brick etc.) zuartute an ko khawm a. Hnam dang, Mizo hming hawha sumdawngte leh Mizo, sumdawnna atana an hming hnam dang hawhtirtute chu April 10 atanga chhiara ni 30 chhunga inching fel ngei turin an ngen a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024