Mizo Dance Camp leh Mizoram State Sports Council tangkawp buatsaih ‘Mizoram Dance Sports & Movement Championship’ chu a hmar bawk a ni dawn ta a, June 30, 2023 Zirtawpni zan dar 7:00 hian Dawrpui Multipurpose Hall-ah final neih a ni ang. 

Final-ah hian C. Lalruatdiki, Chaltlang kan hmu dawn a, Jump Rope Freestyle Female-ah final a lut a ni. Diktei hi 'Lalpa A Tha' film-ah khan thiam takin a chang a, heta tang hian Zoram mipuiin an hmelhriat tan. Film chan bakah huian Jump Rope pawh a lo hnehsawh nasa mai a, final-ah mipui mit fukna tur a ni ang. 

Intihsiakna hrang hrang event 9-a Final Round theuhte neih a ni dawn a, a hmuhn awm viau dawn. Final Round bakah hian Mizo Dance Camp Showcase leh National Judges Showcase neih a ni dawn bawk - lam hmuhnawm tak tak thlir tur a awm dawn a ni. MSSC YouTube channel leh TV lamah live-a thlir theih a ni ang.

Intihsiakna hrang hranga final round lutte chu heng te hi an ni:

Jump Rope Freestyle Female
• C. Lalruatdiki, Chaltlang
• Rualchhingi Ralte, Zonuam 
• Vanbiakpari, Ainawn

Jump Rope Freestyle Male
• Jeremy Lalsawmzuala, Temple North 
• Vanlalmawipuia, Venghnuai
• Dindina Ditto, Zonuam

Aerobics Solo
• Adela Lalbiakfeli, Tlangnuam
• Tluangkima Chenkual, Zonuam 
• Isaac Lalremruata, Kulikawn
• Peter Lalnunzira, Chawnpui
• Maranatha, Champhai

Aerobics Group
• HBC Cheerleaders, Chanmari
• C-Funk, Champhai
• Freaks Squad, Aizawl
• St. Mary’s School, Electric Veng 
• Hermonians, Dinthar

Hei Raw Dance Competition
1. Team HBC, Chanmari
2. Delusion Crew, Electric Veng
3. Oxford Higher Secondary School, Electric Veng 
4. Miztyx Crew, Electric Veng 
5. C-Funk, Champhai

Showdown Dance Battle finalist zingah hian Mizoram pawn aṭanga lo tel thiam tak tak an tling bawk a ni.