Mizo Dance Camp leh Mizoram State Sports Council tangkawpin an buatsaih Mizoram Dance Sports & Movement Championship 2023 chu Zirtawpni zan khan zawhfel a ni ta a, rin lawk ang ngeiin Jump Rope Freestyle Female-ah Chaltlang nula C. Lalruatdiki chu champion a ni. 

Grand Finale leh Showcase hi Dawrpui Multipurpose Hall-ah neih a ni a, hall khat tlatin mipui an pungkhawm. A hmunah boruak a hot a, entu mipui an thu hle hle thei lo. Intihsiak boruak a nung tha a, mipui thawm a that bawk avangin mit leh beng a tlai hle. 

Final Round hi intihsiakna hrang hrang event 9-ah neih niin, lawmman atan Rs. 3,00,000 zet sem ral a ni bawk. Lawmman hrang hrangte hian medal, sumfai, trophy/memento leh certificate te a keng tel a ni.

Heng intihsiakna leh lawmman semna bakah hian Mizo Dance Camp Showcase neih niin, National Judge ten showcase hmuhnawm tak tak an entir bawk a ni.

Lawmman dawngtute chu : 
- Aerobics Group
Pakhatna: HBC Cheerleaders, Chanmari
Pahnihna: C-Funk, Champhai
Pathumna: Hermonians, Dinthar

- Aerobics Solo
Pakhatna: Peter Lalnunzira, Chawnpui
Pahnihna: Tluangkima Chenkual, Zonuam 
Pathumna: Isaac Lalremruata, Kulikawn

- Jump Rope Freestyle Female
Pakhatna: C. Lalruatdiki, Chaltlang
Pahnihna: Rualchhingi Ralte, Zonuam
Pathumna: Vanbiakpari, Ainawn

- Jump Rope Freestyle Male
Pakhatna: Jeremy Lalsawmzuala, Temple North 
Pahnihna: Vanlalmawipuia, Venghnuai
Pathumna: Dindina Ditto, Zonuam

- Hei Raw Dance Competition
Pakhatna: Miztyx Crew, Electric Veng 
Pahnihna: C-Funk, Champhai
Pathumna: Oxford Higher Secondary School, Electric Veng 

Showdown Dance Battle
- 1V1 Breaking
Winner: B-boy Teepz - Zothanpuia, Mizoram
Runner Up: B-boy Lin, Tripura

- 1V1 Hip Hop
Winner: Srilakshmi, Gujarat
Runner Up: Jonathan ‘Lil Jae’ Lalrinpuia, Mizoram

- 1V1 Rep Your Style
Pakhatna: Popper Salman, Arunachal Pradesh, 
Pahnihna: Mark K Lalnuntluanga, Mizoram

- Crew V Crew Rep Your Style
Pakhatna: Street Brothers, Arunachal Pradesh x Doraemon, Meghalaya 
Pahnihna: The Fresh Titanz, Tripura