October 23, 2023; ZALEN zawhna chhangin Serchhip bial a Independent MLA candidate Ramhlun Edena'n vote thlak chu sakhaw dang betute bawih a intukluhna a ni tih sawiin, MLA ah in candidate mah se, vote thlak lo turin mi a zirtir zel dawn tih a sawi.

Tunhnai a a video viral chungchang sawi fiahin, leilung danin inthlan chu a awm ang a ti a, vote erawh kan thlak lovang a tihna nia sawiin, nomination file thleng chu inthlanna buatsaihna za a 50 chauh a ni a, a dang za a za a 50 chu vote thlak a ni tih a sawi.

Vote chu pathian dang tundinna a ni tih sawi bawkin, nomination a file chu vote thlak tur lo in, vote zawng tur pawh ni loin, vote thlak lo tura mite zirtirna tur a ni tih a sawi.

"Vote kan thlak luih chuan kan Pathian phuba lakna kan tawng dawn," ti bawkin, "Nomination ka file in India danpui chhung atangin vote thlak lo turin mipui kan hrilhfiah thei a, a nih loh chuan kan thusawite titi pangngai mai a ni," a ti bawk.

"Vote i va thlak hian India sawrkar leh an Hindu pathian te chu Bible a Pathian te nihna i pe tihna a ni a, chu chu i va thlang tihna a ni," Ramhlun Edena chuan tiin, a hriat theih mai chin vote thlak tum lo Mizoramah mi sing 4 chuang an awm niin a sawi.