Aizawl; Lirthei neitu leh khalhtu pawl hrang hrang Truck, Taxi, City Bus, Tipper, 407 leh Pik-up te chuan sawrkarin an harsatna te a chinfel sak duhloh entirnan darkar 72 chhung (December 10-12) lungawilohna lantir an tum. Hemi hun chhung hi chuan commercial vehicle zawng zawngte tlanchhuak lo turin an hriattir. Commercial Vehicle Joint Action Committee in thuchhuah an siam danin an harsatna hrang hrang bus leh taxi hlui tawh danin replacement a phal si sawrkarin a phalloh avang te, tullo taka no entry siam, commercial vehicle tana stand siam mumal loh, Tanhril FCI godown khar leh bus permit a pekbelh vangte niin an sawi a. Sawrkar chu an harsatna chinfel sak duh si lova, chhiah pek chauh duh ah an puh bawk.