ZALEN May 18, 2026 : Mizo zinga Mt. Everest lawnchhuak hmasa ber David Zohmangaiha chuan vawiin khan vawiin khan Civil Hospital, Aizawl-ah thisen a pe a, khawvela tlang sang ber a lawnchhuah champha vawi 13-na a ni a, he ni puala vawi 12 thisen a pekna a ni.

David Zohmangaiha hian May 18, 2013 khan Mt. Everest chhip a thlen a, kum 2014 atang khan he ni hriatrengnan leh a mamawhte'n a hman atan thisen hi a pe thin a, Covid avanga kum khat a awl tih lo chu a la pe ta ziah a, thisen hi tum 28 pe tawhin he zinga tum 12 chu khawvela tlangsang ber a lawn cham pual hian a ni.

David Zohmangaiha hian khawvela tlang sang ber hi Mizo zinga a hmasaber niiin May 18, 2013-ah a lawn chhuak a, hemi tum hi India hmarchhak bil, Northeast India Mt. Everest Expedition team-ah a tel a, a rual hian India hmarchhak mi 12-in Everest chhip hi an thleng a ni.

Mizo zingah Everest lawnchhuak hi pathum an awm tawh a, Davida dawtah hian Lalrintluangi chuan NCC expedition team a telin May 21, 2016 khan a lawn chhuak a, May 19, 2019 khan NSG team member Johny Laltlanmawia chuan Everest hi a lawn chhuak leh bawk.