DOWNLOAD OUR APP

Read latest news on your phone
app-store

David Beckham leh Tyson Fury te Queen Elizabeth II vuinaah an tel

Sep 20, 2022

Queen Elizabeth II state funeral an neih ni-ah English sport star langsar pahnih David Beckham leh Tyson Fury te chu telin zahna an hlan.

Queen Elizabeth II state funeral an neih ni-ah English sport star langsar pahnih David Beckham leh Tyson Fury te chu telin zahna an hlan.

UK-a lal ni rei ber vuinaah hian infiamna lama mi langsar leh pawl hrang hrangte chu telin tawrhpuina thu an sawi. Chung zinga tel ve England football captain hlui Beckham chuan Her Majesty chu, "Mi danglam bik, mi fuih phur thiam leh midang hrethiam tak hruaitu a ni," a ti.

Heavyweight boxing champion Fury pawhin, "Chatuan atan vanah chawl mawlh rawh se," a ti.

Westminster Hall-a Queen an zalhna hmun hmu tura darkar 13 chhung intlar Beckham-a chuan Instagram-ah,"Kan lalnu chu a chawl ta. Vawiin khan kan lalnu zahawm tak chu a tawp nan kan thlah ta!," tiin a ziak.

"Tun kar chhung hian khawvelin hruaitu danglam bik, midangte fuih phurtu leh ngaihsak thintu chu a chan a, kan Lalnu, kan hmangaih kal ta thlahnaah hian hmun hrang hrang atangin mi sang tam chu amah thlah turin an pung khawm a ni"

"A rawngbawlna leh a thil tih ropui tak tak te, a thu rochhiah te chu kan thin lungah a cham reng tawh dawn a ni," a ti. 

Thawhlehni kalta khan Fury chuan online-ah video a post a, chu video-ah chuan, "Kan Lalnu thi tawh zahna lantir nan ni 10 kalta chhung khan social media khawih ka chawlhsan a ni," a ti.

English Football League chuan an Twitter page-ah heti hian an ziak a,"Her Majesty Queen Elizabeth II vuina ni hian EFL leh club-te chuan ram tana a rawngbawlna nun ropui tak chu kan hre reng a, Lal chhungkua te kan tawrhpui tak zet zet a ni," an ti.

Hetihlai hian Premier League club Southampton chuan, kum 1976 kuma Wembley-a Manchester United an hneh tuma Queen-in an captain Peter Rodrigues-a hnena FA Cup a hlan lai thlalak an post a, hemi tum hi a trophy hlan hnuhnun ber ṭum a ni nghe nghe.

Share now