Mizo Idol star David Darlong chuan hla thar  tichhuak ve leh ta. A hla thar hi 'Lo kir rawh' tih a ni a, ama YouTube channel-ah upload a ni. 

He hla hi a satu David Darlong lehlin niin, a aw nen pawh a inhmeh hle. Music leh recording hi Tluanga Hnamte, Westend Studio kutchhuak a ni. Video hi Johnmizo Visuals kutchhuak a ni a, a hmuhnawm leh pek hle. 'Pa Hausa' film atanga mipuiin kan hmelhriat Sangsangi chu model-ah a hmang a, beng bakah mit a tlai tel hle bawk. 

David Darlong hian Mizo Idol-ah khan a zaithiam zia a lo 'show' tawh a, Idol ni phak lo mah se intihsiak zawh hnuah pawh hriat hawh zui berte zinga mi a ni. Zaia sawmtu pawh a ngah hle a, tun lai thalaite star rawn ber pakhat a ni mek. 

'Lo kir rawh' music video hi YouTube-ah dah chhuah a nih hnuin thil fel lo eng emaw a awm avangin paih leh a ni a, tunah chuan en theihin a awm leh tawh a ni.