DOWNLOAD OUR APP

Read latest news on your phone
play-store app-store
app-store
Daw, Dawt, Daw heh
titi ZALEN
Jul 21, 2019
ad
  • H.Thangluaia
  • Dawt lang leh mai tur, kan tanghma, kan hamthatna tur kan ngaihtuahnaahte, “I daw; dawt i sawi; i dawheh,” tia han inpuh chu a tuartu tan chuan na tak ani thin. Kan thiante emaw, unaute emaw hial pawh dawta inpuh chu na tak a ni thin kha a ni. A chhan chu DAWT sawi kha miin an hreh, tun hma chuan DAWT sawi an tam lo a ni ang. DAWT hian Mizote nunah hmun a luah tam lo hle niin ka hre thin.
  • DAWT hi a awmzia tak pawh hi kan hrechiang em? DAW, DAWT thute hi Pu Buanga (James Herbert Lorrain) Dictionary hi han rawn ila – DAW, DAWT chu to lie, to fib, to tell a lie, to tell an untruth, to make a mis-statement, to make a false statement/either intentionally or otherwise, DAW HEH – to be in the habit of telling lies – Pu Buanga’n saptawnga a hrilhfiah dan chu a ni. Pu J.F.Laldailova chan lie (n) Dawt, Dawt sawi, Dawt thu, vertherna inbumna te a ti a ni. Tin, White lie a ziak leh a, dawt pawi lo, dawt tangkai. Cambridge dictionary chuan White Lie chu – which is not important and is usually said to avoid upsetting someone, thu pawimawh lo mite lunghnur tur tihreh nana sawi a ti chauh bawk. Engpawhnise, kei mi mawl ngaihdanah chuan Dawt pawisawi lo, Dawt tangkai pawh lo ni sek sek, thu dik lo, thil dik lo sawina a nih chuan Dawt a ni tho tho mai. Dawt sawi a ni tho tho.
  • Sawi tawh angin tunhma Mizote nunah khan dawt leh dawt sawi hian hmun a luah tam em em lo kan tih lai hian tunlai nun, thangtharte khawvel ti bik ila a dik emaw, Pu K.V.Thangmawia’n a sawi angin Khawvel mihringte nunah hian Ukil-te hial pawh dawheh kan tih mai tak hunah hian Mizote nunah pawh hian dawt hi a tlangnel ta hle niin a lang a. Whatsapp-ah te kan thalaite leh thalai lote zingah pawh dawt hi a tlangnel a ni ang, sawi neuh neuh a tam ta. Keini thanghluite chuan kan phak ta lo!!!
  • Ka ngaihtuah, ka ngaihtuah hian kan ram roreltu tur kan thlan lai nikum November, December leh kumin March thla chhungte khan dawt engzat tak leng ang maw. “Thlantlin duh vang mai emaw kan candidate-te tling se kan tih, kan duh vang mai emaw tein dawt hi a leng tam awm mang e. Mizo Kristian zaa za inti hial thinte zingah hian aw!!!” ka ti thin. Thu dik tawk lo han sawi belh talhte hi chin loh a va tha em, a tlo lo. Dawt hi chu thu dik lo a ni. Thudik chanve sawite hi a fuh ber lo. Khawpui leh thingtlang khuate hi hriatna lamah leh bengvarna lamah hian hnufual lutuk bik kan awm lo. Bum harsa tak kan ni tawh. Kan Mizo thua, “Bui chhia lai lohvin a inpuang,” tih thu kan neih kha, khatiang kha a ni. Kan ni tin chanchinbu pakhatin vawiin kan Assembly-ah chuan, “Kan rorel pawl leh vei lama thute chu BJP an in nih loh siak a, a BJP member ber a lah chu a ngawi reng a,” a tih kha a va tha e!!!
  • Zaa za Kristian inti Zoram, Mizote ramah hian dawt hi a tlangnel hle. Tunhma Mizote nuna awm tam lo Mizopa nun pangngai pawha dawta a inpuh tuarna tak thin vawih lo vawiha inpuh pawh na ti em em thin thlahte, tunlai khawvelah hian Pathian ringtu, Pathian, Isua Krista rinna avanga chhandam, kan thih hnu pawha Isua hnena kal inringte hian kan thurin bua inziakte hi kan hlamchhiah mai dawn em ni? Kan Pathian thu bua dawt a sawi te hi kei mi tlaktlailo ber hian kan hriat theuh tawh ni mah se kan chhiar nawn atan ka han chhawpchhuak e. Pawna awm tur zingah dawt sawi ching leh ngaina an tel tlat mai. Milem biate pawh an tel. Milem bia kan thurin bu ina a sawi hi eng ang chiah nge?
  • 1) Mizoram inthlan neih zawh takah te khan, “Dawt kah engzah tak leng ang maw. Mahni kan insawi mawinaah te, kan party hma dawn tur kan sawinaah te, kan biala kan tih tur sawinaah te, thlangtute (voter) dawt thu sawi mi chu a intiboral ang a. (Sam 5:6)
  • 2) Dawt thu sawi hmang kâte chu hupsakin a awm dawn si a. (Sam 63:11)
  • 3) Dawt heh mi chu ka mithmuhah tihnghehin a awm lo vang. (Sam 10:7)
  • 4) Dawt sawi bânin, mahni thenawm hnenah thudik tak sawi theuh rawh u. (Ephesi 4:25)
  • 5) Hmui dawhehte chu tawngthei lovin awm rawh se. (Sam 31:18)
  • 6) Hmui dawtheite hi Lalpa tenzawng tak a ni. (Thufingte 12:22)
  • 7) Dawt thu hi ka huain ka ten a. (Sam 119:163)
  • Dawt thu hi hmun tam takah a sawi. Mi dawheh, daw thei, dawt hmang chu a chunga thu kan tarlan atang pawh hian Pathian, Lalpa, Isua Krista ngaihdan chu a chiang hle a ni. Keini Mizo Kristiante pawh hian kan ngaihtuah chian a tul, ngaihtuah chian a hun e, ringlo mite aia kan danglamna ni thei se.
  • Tin, Thupuan 21:27 leh 22:15-ah dawhehte chu heti hian a sawi bawk, “Ui te, dawithiam te, inngaih ching te, tualthat te, milem biate, dawt sawi ching leh ngaina zawng zawng te erawh chu pawnah an awm ang”.
  • Thurin bu a dawt thu a sawi dan dinhmun a sawi dik tak kan hriat tawh sa i hre thar ang u. Vanram lut lo tur, pawna awm tur zingah dawt sawi ching leh ngaina an tel tlat mai. Milem biate pawh an tel. Milem bia kan thurin bu ina a sawi he eng ang chiah nge?
  • Mizoram inthlan neih zawh takahte khan “Dawt kha engzat tak awm ang maw! Mahni kan insawi mawinaah te, kan party hmathlir kan sawinaah te, kan biala kan tih tur sawinaah te, thlangtute (voters) hneh kan tumnaah te khan dawt eng zat tak awm ang maw?! Hengte hi thu belhchian dawl lo, party inchirhthehna te a ni hlawm a, Red Lie (Dawt Sen) kan ti mai dawn em ni ang. Dawt sawi a that lohnate kan Thurin buah hian a sawi tam hle si a, kan ngainep ang reng hle hian a lang si a nih hi. Dawt sawi hmangte dinhmun hi i ngaituah chiang teh ang u. Kan la daw zel dawn nge, kan bânsan dawn?

Latest News & Chhiar Hlawh