ZALEN Sept. 23, 2024; Nizan (22.9.24) khan Lawngtlai Chandmary-ah Myanmar raltlan, Dawlar-a tia hriatin dawr a rawk a, Rs. Nuai 10 chuang a tlanbo pui nia thudawn a ni.

ZALEN thudawnna, dawr neitute hnen atanga ZALEN thudawn danin, dawr hi bungraw hrang hrang zawrhna, Emanuel Store niin, a rawktu a rin hi Myanmar raltlan nia hriat a ni a, dawrah hian thla khat vel chauh a la thawk a, a thawhna dawr neitute in a khawsa nghal a ni.

Nizan khan dawr hi rawk niin, dawr chhunga dah pawisa fai Rs. Nuai 10 chuang lak niin, dawr neitute scooty hmangin dawr rawktu hi a tlanbo zui nia hriat a ni.

Dawr rawk a ni tih hi tukinah hriat niin, Lawngtlai police te hriattir an ni a, he thu ziahlai thleng hi chuak dawr rawktu chin hi hriat theih a la ni lo.

A scooty khalh hi vawiin lam khan Lawngtlai atanga km 10 vel kawngsirah hmuh a ni a, petrol a zawh vanga kalsan nia hriat a ni.