Aizawl; Dawrpui Branch YMA chuan nimin khan an dincham 'rising day' vawi 26-na pualin Civil Hospital, Aizawl a damlo awm zawng zawngte tan zanriah chawhmeh bawngsa leh artui an pe. Hei bakah hian Sairang, Sairang Dinthar, Sihhmui leh Zemabawk Branch YMA te hnenah te, Protective Home leh Tawngtai Bethel Camping Centre, Chawnpui ah te puan an pe a. Nimin zing khan Upper bazar a YMA building thar chu bialtu MLA leh Minister ni bawk Lalsawta'n a hawng a ni. Dawrpui Branch YMA hian Zirtawp zan khan Dawrpui school hall-ah 'Hlim zan' an hmang a, he hunah hian Mizo thuama incheiin zaithiamte nen hun hlimawm tak an hmang bawk.