Aizawl: Nimin khan Swach Bharat Mission (Gramin) Public Awareness Campaign chu Mamit DC Lalbiaksangi hovin Darlak leh Bawngva khua-ah an nei. Heng khua a mipui hrilhhriatna campaign neihna ah hian Mamit DC Lalbiaksangi chuan Faina leh thianghlimna chu hriselna bul a ni tiin, hrisel tur chuan in leh a chhehvel vawnfai a ngai a, inthiarna mumal lo leh ekin ni lova zun leh ek kan thlahdah chuan kan hrisel thei dawn lova, inthiarna bikah chauh zun leh ek thiar nachang kan hriat a ngai a ni tih a sawi. Lalropuia EE, PHED chuan Mamit District chu ODF District a nih theihna turin mitin ten inthiarna mumal leh tha an neih a ngai a, hei hi sawrkar pawhin a ngai pawimawh tak zet tih sawiin ODF district a puan a nih theihna tur chuan kan zavaia tanlak a tul tih a sawi bawk. EE, PHED, Mamit chuan Bawngva leh Darlak khuaah te tan hian Swach Bharat Mission hnuaiah ekin sak tanpuina chhungkaw 200 dawn pek an ni tawh a, heng tanpuina dawng tawh te bakah hian a tul dan a zirin an mahni khua zirchiang chungin sanction a awm leh veleh tanpuina pek leh tum an nih thu a sawi a. Tanpuina dawng tawh ten inthiarna (Ekin) an sak dan chu a hmunah enfiah nghal a ni bawk.Awarness Campaign neihna ah te hian CMO, Office tangin Dr Nancy Lalnunmawii leh Lalhmunsanga Fisheries Extention Officer, te pawhin thusawina an nei a ni. Faina beihpui Campaign hi Bawngva ah BNRGSK Hall ah neih niin VCP Lalbiakmawia chuan a kaihruai a, Darlak ah hian Communuty Hall-ah inhrilhhriatna hun hi neih niin Lalchhanhima, VCP chuan a kaihruaiin mipui lam pawh an kal tam hle nia thudawn a ni.