ZALEN August 31, 2026 : Lawngtlai Bawrhsap Donny Lalruatsanga chuan sumdawnna lirtheia pawisa khawn awm chungchanga chu a hriatpui loh thu vawiin khan Chanchinbumite a Office Chamber-ah a hrilh.

Donny Lalruatsanga chuan tunhnaia Social Media lama darh, Lawngtlai paltlanga Myanmar-a bungrua phurtute nia ngaihtheihin Deputy Commissioner, Lawngtlai hriatpuinaa pawisa lo khawn an awm ni an sawi chu engmah a hriatpui loh thu a sawi a. Bawrhsap chuan Lirtheia bungraw phur an ni emaw, thildangah pawh District Administration chuan chhiah lak theihna dan a neilo hrim hrim tih sawiin, he thilah hian amah emaw DC Office - ten in hnamhnawihna an nei lo a ni, a ti. 

Lngawtlai Bawrhsap chuan he inpuhna hi a ngaithutak hle tih sawiin, thil awmdan chhuichiang tura hmalakna kalpui mek a nih thu a sawi a. He inpuh mualphonaa mawhphurtu zawng chhuaka an phutawk hremna lek a nih theih nan hmalak mek a ni tiin, Lawngtlai Police ten ngun takin an chhui mek tih sawiin, dan ang taka hmalak a ni ang a ti.

Video thehdarhah hian Myanmar- a Scooter phurlut tur nia insawi, Driver nia ngaihtheih chuan Lawngtlai bulah an motor lo tiding a, pawisa chawitir an nih thu a sawi a. Pawisa chawitirtute chuan an thil tih chu Deputy Commissioner pawhin a hriatpui tih an sawi niin a sawi a ni.