Aizawl: New Economic Development Policy (NEDP) hnuaia sawrkarin ruihtheih thil laka thalaite an fihlim theihna tura ruahmanna a siam ‘Project Himna MADAT’ (Mizoram Against Drugs, Alcohol and Tobacco) hmalakna in Royal Knights Bullet Club, Lunglei ten Rally an neih chu nimin khan Dr. Ankita Chakravarty, IAS, Deputy Commissioner Lunglei in DC office kawt atangin a vai liam. Dr. Ankita Chakravarty chuan, “Ruihhlo, zu leh vaihlo hian mihring taksaah natna hrang hrang a thlen a, chhungkuaah, sum leh paiah harsatna tam tak a thlen bawk a ni,” a ti. Dr. SR. Ngurchamliana, Medical Superintendent, Civil Hospital Lunglei pawhin AOC, Petrol pump ah thu sawiin thalaiten ruihhlo hrang hrang an tihte hi an chhiat phah hle a, chumi do nan chuan kan ram in a tha zawnga ke kan pen theih nan tiin Mizoram sawrkar chuan hetiang hun hi a buatsaih thu a sawi a. “Mizorama HIV/AIDS hluarna chhan ber chu keimahni insiam chawp a ni a, vanduaina avanga kai chu tlemte an ni. Hei hi a chhan bulpui ber chu ruihhlo hluar tak vang hi a ni,” a ti bawk.