Belgian midfielder hi Premier League chanchina assist nei hnem ber pasarihna a ni mek. 

Kevin De Bruyne hi Premier League-a player ṭha ber pawl a ni a, league-a assist-tu tha ber pawl a ni bawk. Manchester City league nomawi chawipui tura a kalkawngah Premier League chanchina assist ngah pasarihna a ni phak ta hial a ni. Belgian hian English league-a a career pumpuiah assist vawi 92 a nei tawh. Tin, mak tak maiin Premier League chanchina assist-tu ṭha ranking hmahruaitu chu Spanish mi pahnih David Silva leh Cesc Fabregas te an ni.

Tun season Premier League-a De Bruyne-a assist 6 chhiar telin a sang tawh hle a, Premier League-a season 10 a khelh chhunga David Silva-a assist 93 chu pakhat chauhin a phak tawh lo. Chiang taka lang chu Belgian playmaker hian tun season-ah Canary Islander hi a pel thei dawn a ni. October ni 2 khian United nen an inhmachhawn dawn a, he inkhelhah hian Manchester City playmaker hian Silva a nih rualpui theihna huntha a nei ngeiin a rinawm. 

De Bruyne hian Spaniard Cesc Fabregas erawh a la phak rih lo deuh a, he midfielder hian Premier League, season 12 a khelh chhungin assist vawi 111 a nei tling a ni. World Cup chawi tawh Fabregas hi tunah English league chanchina assist nei hnem ber pahnihna a ni mek a, a phak loh chu Ryan Giggs niin a ni hian assist 162 a nei.

He ranking-ah hian Bergkamp-a chu palina niin assist 94 a nei a, pathumna Lampard-a’n assiast 102 a nei thung. Dutchman phak tur hian De Bruyne hian assist vawi hnih a la mamawh a, Englishman phak turin vawi 10 a la mamawh bawk. Tluang taka a khel thei a nih chuan tun season chhungin a hmaami pahnih te hi chu a khum thei ngeiin a rinawm.