Manchester United goalkeeper David De Gea chuan, tun season-a an chet danah a team-mate te chu a duh khawp loh thu a sawi chhuah bakah, season thar hmachhawn tur a an coach thar Erik ten Hag-a'n team thar a din tura tel peih lo turte chu an awngphah tela inthiar fihlim rih mai turin a hrilh.

Tun season Premier League kharna Pathianni zan inkhelhah khan an Dutch manager thar hmaah Red Devils hian Crystal Palace chu sikhat faiin an ngam lo a, mahse vanneihthlak takin leh an mualphona hliahkhuh turin an hnuai chiaha awm West Ham chu Brighton lakah an lo tlawm ve hlauh a, he tlawmna vang hian United pawhin season tharah Europa League an khelh phak phah dawn. phah ang. Hetichung hian panganaa awm Arsenal aiin point 11 zetin an hnufual a, pont 13 laiin Champions League an khel phak lo bawk. 

MUTV hnena a inpuannaah De Gea chuan season liam ta 2022 chu theihnghilh a, August thlaa tha taka Premier League bul an tan theih dan tur ngaihtuah a pawimawh thu a sawi a, club ropui tak ni tura United din thar duh te chauh cham turin a duh. De Gea chuan,"Thla thum emaw thla li liam taa kan khelh dan en kha chuan Premier League champion nih kan phu thlawt lo a ni, chak kan mamawh a, kan chak thei thlawt si lo. Box chhungah nise ho te teah ball kan hloh a, chak ngaihna a awm lo a ni," a ti.

"Manager thar kan nei ta bawk a, a ni ho hian hma lam thlir ka duh a, season liam ta hi theihnghilh vat ka duh a ni. Season tharah chuan hmasawnna hmel kan hmuh ngei ka beisei. Hun liam tawh chu liam mai rawh se, tupawhin season duhawm lo tak kan hmang tih a ni tih chu kan hre vek a, titha duh lo turte chu chhuak mai rawh se," tiin Manchester United TV hmaah a sawi.