Tun hnaia film chhuak tur zingah chuan en chakawm leh boruak nei lian berte zinga mi ani ngei ang - Runmawi film siam thar Gabriel chuan December 12 zan hian tlangzarh a ni dawn ta. He film-ah hian tun lai film star lar Ruthi Chenkual a inlan dawn a, hmaih phal chi a ni lo. 

Ruthi Chenkual hi Mizo Film Award 2023-a Best Supporting Actress atana thlan kha a ni a, Best Actress hial la thei tur khawp talent nei tha a ni. Tun tumah hian a changtu nu role a rawn play dawn a, eng tiang chiaha theihna nei sang nge a nih tih hmuh theihin a awm thui dawn e. 

Ruthi Chenkual hi Zote Entertainment film siam eng emaw zatah a lo inlan tawh a, an thawhhona a tha hle. Tun tum hi director hran kaihhruaina hnuia a vawi khat inlanna a ni a, hei tak pawh hi en tichakawmtu zinga mi a ni. Gabriel film-ah hian Gospela Tlau nen an chang dun a, Mizo film ngainatute lo inring rawh u! 

Gabriel film hi Runmawi app te produce a ni a, an director hi Danny Vanchhawng a ni. Ani hi director a nih bakah scriptwriter a ni nghal bawk a, a kut chhuak en a chakawm tawh hle. Danny Vanchhawng hi 'Black Rose' film director kha a ni a, tawn hriat a neih tawhte a hmang tangkai hle tura beisei a ni. Mickey Chhangte chuan assistant director hna a thawk ve bawk. 

An director of photography hi Andrew Laltanpui a ni a, a changtu zingah hian film lam sulhnu lo nei tawhte pawh hmuh tur an awm nul dawn a ni. 

December 12 zanah tlangzarh a ni dawn a, Runmawi App-ah en theihin a awm bawk ang.