December 29 zanah Lammual-ah Sean Kingston a rawn che dawn!
![](https://zalen.s3.ap-south-1.amazonaws.com/images/news/1702057401_newspaper.jpg)
Kum 13 vel liam ta khan Canadian singer Justin Bieber thawhpuiin hla hit zet mai 'Eenie Meenie' an tichhuak a, khawvelin tunge a nih a hre chho ta. Rimawi khawvelah hming a chher chho va, hla hit zet mai 'Beautiful Girls' thlengin kan sakpui thei ta. A hming chu Sean Kingston a ni - December 29, 2023 (Zirtawpni) zanah AR Lammual-ah ngei mai a rawn che dawn e.
Kum 33 mi Jamaican-American singer hi a hming tak chu Kisean Paul Anderson a ni a, khawvelin a hriat lar zawk erawh a tage name 'Sean Kingston' hi a ni. India hmarchhakah concert a rawn nei dawn a, Aizawl-ah pawh a rawn kal dawn. Aizawl bakah Dimapur, Nagaland leh Meghalaya khawpui Shillong-ahte concert a nei dawn a ni.
Mark Event & Entertainment chuan Sean Kingston hi Aizawl-ah an chah lut dawn a, sum pawh an seng nual dawn - Mizo mipuiten khawvel huapa zaithiam lar Lammual-ah ngei mai laitual kan chhirpui thei dawn e.
Sean Kingston hian kum 2007 khan a single hmasa ber 'Beautiful Girls' a tichhuak a, Billboard Hot 100-ah pawh No.1 a kai phak hial. Hemi hnu hian khawvel huapa zaithiam lar ber pawl Justin Bieber nen thawkdunin 'Eenie Meenie' an tichhuak - a lar zia chu kan hre theuh awm e. Hemi hnu hian 'Take You There' leh hla dang eng emaw zat a tichhuak leh bawk. Khawvel huapa zai thiam lar - Justin Bieber, Nicki Minaj, Chris Brown, Wiz Khalifa, Lil Wayne leh zaithiam dang eng emaw zat a lo thawhpui tawh bawk.
R&B star Sean Kingston hi a vawi khat nan October 2018 khan India-ah a lo kal a, Delhi leh Mumbai-ahte concert a nei. A vawi hnihnaah India hmar chhak a rawn fang ve thung dawn a, Dimapur, Shillong leh Aizawl-ahte show a nei dawn a ni. Northeast tour hi December 28 khian Dimapur, Nagaland-ah a kick-off dawn a, a tuk December 29 zanah AR Lammual-ah a concert leh nghal dawn a ni.
Beautiful Girls, Face Drop, Loyal freestyle, Beat It, Lonely, Loyal Freestyle, Fire Burning, Wake Up In It, Eenie Meenie leh a hla hit hrang hrang sakpui turin lo in la fit tan rawh le. Ticket hi dawr hrang hrangah lei theih a nih bakah, QR Code scan emaw website-a luhin online in a book theih bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024