'SDO Dance' hmanga Zoram mipui min lam tirtu K. Hminga chuan album thar a peih fel ta - 'Ka ngaih, zawngho' tih a ni. He album-ah hian hla 10 a awm dawn a, December 8, 2023 (Zirtawpni) zan khian Warehouse Cafe, Folkland Park-ah release a ni ang. Release zan hian Darbu App-ah lei theiha dah chhuah nghal a ni ang - Rs. 200 man a ni. 

K. Hminga album hmasa ber tur hi a hlu dawn hle a, hla thar vek a ni dawn. Heng hlate hi a satu K. Hminga phuah vek niin, ama produce a ni bawk. Co-producer hi Albert Peka, MikeJi leh Sangkima Khiangte te an ni a, technical director hi Toi Intoate a ni. 

Recording hi Kings & Prophets Studio kutchhuak a ni a, Albert Peka, Toi Intoate, Dawngtea Intoate, Ephraim Malsawma leh amah K. Hminga ten tha an thawh hlawk hle bawk. Audio mixing hi K. Hminga-a'n a khawih a, mastering hi Toi Intoate kutchhuak a ni thung. 

Musician tha tak tak -

1. Keyboard - Albert Peka

2. Drums - MikeJi

3. Bass - Sangkima 

4. Guitar - K. Hminga te an thawkrim a, background vocals lamah - Chali, Sangtei Khuptong, Jaui, Hmachhuana, Vanlentino Kiangte, Aengi Royte, Rosalyn, Albert Peka leh Lalremruata Fanai te an thawh hlawk hle bawk. Cover art hi V.L. Peka kut chhuak a ni thung.  

K. Hminga hian July thla atang khan he album hi a buaipui tan a, October-ah recording an zo fel. He album-ah hian K. Hminga signature sound hriat tur a awm dawn bawk a ni - lo ngaithla ve ngei ang che. 

Track List : 

1. Tiang tur tih hria ila

2. Van chung nula

3. Zan tawi Lanu

4. Hlobetpari

5. Hmangaihna Kawrawng (ft Sangtei Khuptong)

6. Ri lova mawi rimawi Ka tawngtai hla i ni

7. Ka tawngtai hla i ni

8. Rikrum thila khiangawihna

9. Thiannu Ngurpuii 

10. Ka ngaih, zawngho