Avatar hmasa ber tihchhuah atangin kum 13 zet a liam tawh a, mipui lamin en chhunzawm chak viau mah se en tur a awm zui mai lo. Tunah erawh Avatar ngainatute tan thulawmawm hriat tur a awm leh ta - December thla hian Avatar: The Way of Water chu tlangzarh a ni leh dawn ta. 

James Cameron kutchhuak film hian film chhuak tawh zinga sum lalut hnem ber dinhmun a hauh phak hial a, tun tuma an tlangzarh leh tur pawh hi beiseina sang tak nen mipuiin an nghak mek. Canadian filmmaker kutchhuak Avatar: The Way of Water hi December 16 hian tlangzarh a ni ang. 

An budget hi $350–$400 million zet a ni a, Sam Worthington, Zoe Saldaña, Sigourney Weaver, Stephen Lang leh Kate Winslet te kan hmu leh dawn a ni.