Bollywood superstar Deepika Padukone leh Shah Rukh Khan te chuan film an changdun dawn niin an tarlang tlat mai. Indian film director lar Atlee-a film siam thar tur 'Jawan' ah Shah Rukh Khan leh Nayanthara te an inlan dawn tih a chian hnuah Deepika hming hi lam rik a ni ve leh ta. 

Deepika hi Indian science fiction film 'Project K' ah Amitabh Bachchan leh Prabhas te nen an changho mek a, a la buai rih viau. Nakkuma tlangzarh tur 'Project K' hi an budget pawh cheng vaibelchhe 250 zet a ni hem mai a, a hautak tham hle ang tih a rinawm. Chuti chung chuan nakkuma tlangzarh tur tho 'Jawan' ah hian a inlan tel dawn niin an tarlang a ni.

'Jawan' a inlan tur hian director Atlee leh Deepika te hi an indawr tawh a, inremna thuthlung erawh an la ziak chiah lo thung - a role play tur a la chiang lo. Shah Rukh Khan channa tur Jawan hi poster tihchhuah a lo ni tawh a, mipuiin an ngaihven nghawl hle - June 2, 2023 ah tlangzarh a ni ang. 

Deepika Padukone hian inlanna tur a haichham lo khawp mai, 'Gehraiyaan' ah kan hmu zo chiah a, 'Pathaan' ah a inlan leh. He film-ah hian Shah Rukh Khan and leh John Abraham te a chanpui dawn a, January 2023-ah tlangzarh a ni ang.