Def Leppard chuan nakkumah stadium tour an nei dawn tih an puang a, Europe ram hrang hrang an fang dawn a ni. English rock band hian tunah hian North America an fang mek a, tour an neih tur thu hi Joe Elliott chuan a rawn puang chiang ta a ni. 

'Pour Some Sugar On Me' rocker te hian reh hlen mai an la tum hauh lo, nasa zawka rimawi khawvel rawl al leh an tum. Kum 62 mi Joe Elliott chuan Classic Rock chungchang sawi bawkin, "A hun leh hmun tur a la chiang lo a, tunah chuan thu chiang sawi tur a la awm lo," a ti. 

Def Leppard hian Ireland tlawh an tum bawk a, festival-ah an perform dawn nia sawi a ni. North America lama an hun hman hi September 9 khian Las Vegas Allegiant Stadium, Nevada-ah a hmawr an bawk dawn a, hemi zawh hi chuan nakkum lama tour nei turin an inbuatsaih zui tawhin a rinawm.