ZALEN January 28, 2026: Defence Minister Rajnath Singh Defence hovin nimin khan Lok Sabha leh Rajya Sabha Political Parties Floor Leaders ten Parliament Budget Session inpuahchahna atan 'meeting' an nei a. He hunah hian Mizoram Lok Sabha MP chuan rang lama kawng siam turin sawrkar laipui a phut.

Meeting-ah hian sawm anih angin Mizoram Lok Sabha MP Richard Vanlalhmangaiha hi telin, kumin fur ruahtui a tlak tak tak hmaa Sairang leh Khamrang kawng te tha taka siam a nih theih nan sawrkar laipui chu chak lehzuala hma la turin a ngiat thu a sawi.

Main Committee Room, Parliament House Annexe, New Delhi-a 'meeting' an neihah hian Richard Vanlalhmangaiha hian nikum fur lâiin Mizoram châk lakna kawng pawimawh ber a chhiat avangin harsatna nasa tak a thlen thu a sawi a. Kuminah hian nikum lama Mizoramin harsatna nasa tak a lo tawh ang a thlen tawh lohna turin, sawrkar laipui chu rang taka hma la turin a ngên a ni.