Premier League a khelh kum 10 lawmna angrengin Tottenham forward chuan social media kal tlangin fans te zawhna a chhang a, defender a hmachhawn tawhah tunge tough ber tih zawhna chu John Terry leh Giorgio Chiellini tiin a chhang.

Twitter leh Instagram kaltlanga a inpuannaah hian England leh Chelsea skipper hlui Terry chu a fak hle a, Kane chuan,"John Terry kha chu defender smart tak a ni a, a taksa dah dan te kha a thiam em em a, kan tlan min chawlh tir dan a thiam a, mi bum thleng khan a thiam em em a, tin team tan a inpe em em bawk a ni," a ti. 

John Terry hian  Chelsea tan Premier League match 500 a khel hman a, Chelsea leh England captain rinawm a ni thin. Kum 41 mi hian 2018 khan football a chawlhsan tawh a ni.