Aizawl August 9, 2023: Vawiin khan Mizoram State Commission for Protection of Child Rights (MSCPCR) chuan Section 13 (1) (j) of CPCR Act, 2005 – Deprivation and Violation of Child Rights tlawhchhan leh MSCPCR Rules, 2017 in thuneihna a pek angin, naupang dikna chanvo bawhchhiat chungchangah Delete kohhran hruaitute insawifiah tura a hriattir angin Commission hmaah an inlan.

He hunah hian Commission chuan naupang dikna chanvo hrang hrangte a hrilhfiah bakah, Dan bawhchhetute chu hrem theih an nih thu a hriattir. Delete kohhran hi Champhai Zotlang Khaw bul ah an awm a, tunah hian naupang kum 18 hnuailam 25 report-in a tarlan danin an awm. Naupang sikul kal rual te hi sikul an kal tirh loh vangin Mizoram State Commission for Protection of Child Rights (MSCPCR) te chuan an kohhran hruaitute hi an ko a ni.