Delhi-a hna thawk mek Mizo musician thia hmuh a ni
Tualchhung
Oct 23, 2025

ZALEN October 23, 2025 : Delhi-a rimawi kaihhnawih lam hna thawk mek K. Lalrinchhana s/o K. Lalrokunga, Farm Veng, Lunglei chu tukinah khan a chenna inah thia hmuh a ni. 


Delhi atanga ZALEN thu dawn danin K. Lalrinchhana hi Delhi-ah musician hna thawkin a awm mek a. Tukin dar 9:30 ah khan Kishangarh, South Delhi ah thia hmuh a ni. 


Kum 23 mi, Farm Veng, Lunglei tlangval K. Lalrinchhana hi musician niin, sound system hawh theih turte neiin hmun hrang hrangah an zai kual ṭhin. 


A ruang hi Zirtawpni-ah postmortem tur niin Inrinni-ah Mizoram lam panpui tura ruahman a ni.

Latest News & Chhiar Hlawh