DELHI NE NGO in Anti Rascism dan phutAizawl; Munirka, Delhi-a Mizo hmeichhia thi, Juliet Zonunmawii (24) d/o C Ramliana, Kulikawn ruang chu nimin tlai dar 5 khan Mizoram House Vasant Vihar thlenpuiin nizan dar 9 khan sunna hun hman a ni a, vawiin lam hian Aizawl panin zing karah Delhi chhuahsanpui tum a ni a, he thihna a rinhlelh Virender Singh s/o Ram Singh chu Delhi police-te’n an kawl tawh. Ronald Sapa Tlau, MP (RS) chuan NE MP 27 hmangin hmarchhak mite himna turin hmalak a tum tih ZALEN a hrilh a. North East mi Delhi a cheng te an thin a rim hle a, North East Support Helpline dintu leh Vasant Vihar police station a thleng hmasa ber chuan Delhi police te’n an zawhnate an chhansak duhlo nia sawiin hmarchhak mite thliarhranna titawp tur chuan politic a\anga hmalak a ngaih thu ZALEN a hrilh a ni. Ronald Sapa Tlau, MP chuan Juliet-i thihna chu vanduaina a nih thu leh a chhungte a tawrhpui tih a sawi rualin, “North East MP Forum-ah kan khel ber tur a ni dawn a, Hmarchhak mi, a bik takin Mizote kan him theih na turin hmalak ka tum a, Arunachal Pradesh mi thah a nih hnu khan Commission din tum a ni a, a rang lama umchhuah kan tum tlat a, Delhi mai lo khawpui danga zirlai leh hnathawkte hian an tan kan ding a ni tih hi min hriatsak sela ka duh,” tiin kan palai a hrilh. Sapa Tlau chuan vai rama Mizo awmte chu nungchang fimkhur tur leh hnamdang culture zahsak turin Mizote chu a chah a, him tura invenna kawngah tuna thil thleng chuan rah \ha a thlen a beisei tih a sawi. Police station thleng hmasa ber Bruce K Thangal, NE Support Helpline, Delhi chuan, police te’n an zawhna chhang duh lovin, ruang hmuh an phal mai lo tih sawiin Juliet-i nu\a, Agra-a sipai a awm Jerry Zorammuana pawh Sadarjung Hospital, Delhi-a a farnu ruang awm chu police te chuan hmuhtir an phal lo a. CL Ruala MP, Dinalakshmi leh Linda Newmai (Naga) Co-Convener BJP NE Cell te’n an dil hlawhchham a, “Health Minister office ka biak hnuah Jerry-a chu a farnu ruang hmuh an phalsak chauh a ni, “ tiin Numai, BJP Co-Convener chuan ZALEN a hrilh bawk. Thudawnna in a sawi dan chuan Police Station ah hian Station House(SHO) leh Asst. Commisioner of Police (ACP) an awm lo a, tlai dar 1 velah an thleng chauh a, Delhi-a activist hriathlawh tak Binalkshmi Nepram chuan police te chu thil awm dan a zawhchhuah theih loh hnu ah media pung khawm hnenah chuan “NE mi min hmusit a, police pawh in min thlawp \ha duh lo, sawrkar hian hnam inthliarlohna dan a siam tur a ni” tiin a sawi a. NE mi 20 te chuan police station kawt kawng darkar 1 an dan hnuah police te chuan FIR ziahluh a nih thu an hrilh chauh a ni. “Delhi ah hian hmarchhak mite kuthlak leh thah an ni ta fo mai a, Indian ang hian min pawm thei lo, tun thil thlengah hian police station thleng hmasa ber ka ni a, thil awmzia ka zawh pawhin min chhang duh miah lo kha a ni a. NE MP 26 kan nei a, heng mi te hian Anti Rascism Law nawr sela ka duh ber, hmarchhak mi kan him lo hi a dik lo a ni,” tiin Numai, NE BJP Convener chuan ZALEN a hrilh a ni. Kan thudawnna pakhat chuan kum 5 kalta chhung khan Hmarchhak mi 20 lai thah an nih thute, mi 300 chuang kutthlak an nih thu leh Oct 15 ah Naga tlangval 2 chu hnamdangin kut an thlak hnuah NE mite chu Gurgaon chhuahsan turin an vau thu ZALEN a hrilh a. Hmarchhak mite dawhsan 1-a kan awm theihloh na chhan chu state \hen khata hnam leh chibing an inhuat vangah a puh a ni. &&&&&&&&&&&&&&&&