ZALEN September 01, 2026 : H.Ramdinpuii thattua puh Denghmingthanga, Mualthuam North chu zanin dar 6:45 PM thleng khan man ala nilo.

YMA Sub-Headquarters Lunglei chuan thuchhuah siamin Denghmingthanga chu Social Media lama hmuh tawh anga thang chu thu diklo a ni a, police leh SYMA hnuaia Branch ten an zawn mek thu an tarlang.

Social Media a thu lengvak ah mipui te chiai lo tur leh thuchiang chu thuneitu ten an puan hma a, mahni ngaihdan lo vawrh darh lo turin an ngen a, Denghmingthanga chu vawiin tlai dar 6:45 PM thleng khan hmuh ala ni lo tih kan inhriattir e an ti.

Tarlan tawh angin Mualthuam North tleirawl thattua puh Denghmingthanga kum 20 chu nizan zan lai dar 12 vel khan Lockup atangin a tlanchhuak a zawn mek a ni.