DOWNLOAD OUR APP

Read latest news on your phone
app-store

Dengue vei hmuh chhuah an pung mek

Nov 23, 2022

Mizoramah dengue vanga thi mi 5 chhinchhiah an awm tawh a, hetihlai hian kumin chhunga dengue vei hmuhchhuah tawh zawng zawng zat chu mi 1,224 an tling tawh.

November 23, 2022; Mizoramah dengue vanga thi mi 5 chhinchhiah an awm tawh a, hetihlai hian kumin chhunga dengue vei hmuhchhuah tawh zawng zawng zat chu mi 1,224 an tling tawh.

Dr. Hmingthanmawii, Joint Director (Malaria) hnen atanga ZALEN thudawn danin, kumin chhungin vawiin November ni 23 thleng a endik 3,831 atangin dengue vei hmuh chhuah chu mi 1,224 an tling tawh a, dengue thihpui mi 5 te chu Aizawl West leh Aizawl East huam chhung a mi vek an ni.

Kumin chhungin Mizoram district tinah dengue vei hmuh chhuah an awm tawh a, Aizawl West huam chhungah mi 319 leh Aizawl East huam chhungah dengue vei mi 802 hmuh chhuah an awm tawh a, hetihlai hian district dangah chuan hmuh chhuah an tlem thung.

Lawngtlai district ah mi 2, Lunglei district ah mi 35, Kolasib district ah mi 10, Mamit district ah mi 13, Champhai district ah mi 23 leh Serchhip district ah mi 17 leh Siaha district ah 1 hmuh chhuah tawh an ni.

Mizoramah Dengue vei hi kum 2016 ah mi 580 hmuhchhuah an lo ni tawh a, 2017 ah 136, 2018 ah 68, 2019 ah 131, 2020 ah 67 leh nikum 2021 khan 83 hmuhchhuah a lo ni tawh.

Share now