ZALEN August 28, 2026: Chief Minister Lalduhoma hovin vawiin khan CM Conference Hall-ah project proposal hrang hrangte thlirho a ni a. TBC Lalvenchhunga, Adviser to CM bakah Planning leh Finance official pawimawhte an tel a, department te chu an project ngaihpawih te an thlen.

Central Scheme PM-DevINE, NESIDS (Road), NESIDS (OTRI) leh NEC hmanga thawh tura an project proposal-te chu department pasarih Public Works Department (PWD), Power & Electricity Department (P&E), Urban Development & Poverty Alleviation Department (UD&PA), Commerce & Industries Department (C&I), Public Health Engineering Department (PHE), Health & Family Welfare Department (H&FW), Irrigation & Water Resources Department (I&WRD) ten sawifiahna an nei a. An project proposal-te an ngaihpawimawh dan indawt an thlen nghal zel bawk a ni.

Chief Minister chuan allocation neih zat tur an la hre lo a, hriat ve leha thawhnghal tur project lo neih lawk a, ngaihpawimawh dan indawt lo siamsa a tul a, vawiina an sawi bakte pawh a tul anga project proposal siam belh a la tul thei a ni, a ti. Department ten Mizoram hmasawnna tur project tha tak tak an neih thin avangin an chungah lawmthu a sawi a ni.