DeRozan-a point thum hmangin Bulls chak hram

Admin - Jan 01, 2022

Tum 12 hmahruaitu an innihchhawk

DeMar DeRozan chuan hun tawp dawnah three point hlu tak vawmlutin Chiocago Bulss chu 108-106 in Indiana Pacers lakah an chak phah.

DeRozan hi Bulss tana point thawh hlawk ber niin point 28 a nei a, Coby White chuan 24 vawm lutin Nikola Vucevic chuan a zawnin tum li double-double a neihna a ni bawk a, hemi te inkhel-ah hian tum 12 hmahruaitu an innihchhawk. 

Hnehna an chan taka hian Eastern Conference hmahruaitute hi a zawnin tum 6 an chakna a ni. He inkhelah hian Pacers lam hian Covid-19 avanga dan siam avangin an player paruk chu an khel thei lo a, a zawna tum thum an tlawmna a ni. 

LeBron James chuan point 43 zet neiin rebounds tum 14 a la a, a birthday tuk chiaha inkhelah hian kum 37 mi hian Los Angeles Lakers chu 139-106 zetin Portland Trail Blazers lakah a chak pui.

James hian minute 6 chhung lekin point 10 aia tam a nei hman a, first half chhungin double-double a puitlin hman. 

Russell Westbrookchuan he inkhelah hian triple-double a nei a, 15 points, 13 rebounds leh 12 assists a nei a, Ben McLemore chu Trail Blazers tana thawh hlawk ber niin, bul tantu zinga a tel lo chungin point 28 a nei. 

Inkhel dangah Boston Celtics chuan Phoenix Suns 123-108 in an hneh a, Trae Young-a'm point 35 leh assist vawi 11 a neihna inkhelah Atlanta Hawks chuan point 16-a an hniam zawk hnuah Cleveland Cavaliers 121-118 in an hneh.

Share now