ZALEN April 6, 2026 : Mizoram DGP Sharad Agarwal, IPS chuan Police Modernization hnuai atanga lei Electric Scooter 15, Ather Company siam chu Police Station hrang hrang leh Aizawl Traffic Police hman turin vawiin khan Police Headquarters kawt atangin a vai liam. 

He hunah hian DGP chuan Electric Scooter te hi hmeichhiate himna’n leh khawtlang ralmuan zawkna atana hman tura lei a nih thu sawiin, a dawngtu ten Patrolling nan leh khawtlang ralmuanna atan tangkai taka hmang turin a chah a ni. Heng scooter te hi a hnuaia mi ang hian sem a ni:

1. Aizawl Police Station - 2

2. All Women Police Station - 1

3. Bawngkawn Police Station - 2

4. Vaivakawn Police Station - 2

5. Kulikawn Police Station - 2

6. Zonuam Outpost - 1

7. Aizawl City Traffic Police - 3

8. Lunglei Police Station - 1

9. Champhai Police Station - 1